ముంబయి: టీమిండియా మాజీ మహిళా క్రికెటర్‌ తల్లి వైద్య ఖర్చులు విరాట్‌ కోహ్లి తనవంతు సాయం ప్రకటించాడు. మాజీ మహిళా క్రికెటర్‌ కెఎస్‌ స్రవంతి నాయుడు తల్లి ఎస్‌కె సుమన్‌ కోవిడ్‌-19 వైద్య ఖర్చులకు రూ.6.77లక్షలు సాయం అందజేయనున్నట్లు ట్విటర్‌ వేదికగా తెలిపాడు. స్రవంతి తల్లికి కోవిడ్‌ సోకి ఆసుపత్రిలో క్లిష్ట పరిస్థితుల్లో ఉండి సాయానికై ఆమె బిసిసిఐని సంప్రదించింది. ఈ విషయాన్ని భారతజట్టు ఫీల్డింగ్‌ కోచ్‌ ఆర్‌. శ్రీధర్‌ కెప్టెన్‌ కోహ్లికి దృష్టికి తీసుకెళ్లగా.. తనవంతు సాయం ప్రకటించాడు. ఇక హైదరాబాద్ క్రికెట్‌ అసోసియేషన్‌తోపాటు ఇతర రాష్ట్రాల్లోని క్రికెట్‌ అసోసియేషన్‌లు సాయం చేసేందుకు ముందుకొచ్చాయి.
బిసిసిఐ మాజీ సౌత్‌జోన్‌ కన్వీనర్‌ ఎన్‌. విద్యా యాదవ్‌తోపాటు బిసిసిఐ మాజీ అధ్యక్షులు ఎన్‌. శివ్‌పాల్‌ సోదరి కలిసి రూ.16లక్షలు అందజేయనున్నట్లు తెలిపారు. హెచ్‌సిఏ అపెక్స్‌ కౌన్సిల్‌ రూ.3 లక్షలు ఇప్పటికే అందజేయగా.. మరో రూ.2 లక్షలకు ఇచ్చేందుకు ముందుకొచ్చింది.
