- ఐసీసీ టెస్టు ర్యాంకింగ్స్‌
దుబారు : ఐసీసీ ప్రపంచ టెస్టు చాంపియన్‌షిప్‌ ఫైనల్‌ సమరానికి ముందు భారత బ్యాట్స్‌మెన్‌ ఐసీసీ టెస్టు ర్యాంకింగ్స్‌లో మెరుగైన స్థానాల్లో కొనసాగుతున్నారు. కెప్టెన్‌ విరాట్‌ కోహ్లి, వికెట్‌ కీపర్‌ బ్యాట్స్‌మన్‌ రిషబ్‌ పంత్‌, ఓపెనర్‌ రోహిత్‌ శర్మలు ఐసీసీ టెస్టు బ్యాటింగ్‌ జాబితాలో టాప్‌-10లో నిలిచారు. సూపర్‌స్టార్‌ విరాట్‌ కోహ్లి ఐదో స్థానంలో ఉండగా.. వికెట్‌ కీపర్‌ బ్యాట్స్‌మన్‌ రిషబ్‌ పంత్‌, హిట్‌మ్యాన్‌ రోహిత్‌ శర్మలు సంయుక్తంగా ఆరో స్థానంలో కొనసాగుతున్నారు. ఇంగ్లాండ్‌పై లార్డ్స్‌ టెస్టులో అరంగేట్రంలోనే ద్వి శతకం సాధించిన కాన్వే ఐసీసీ ర్యాంకింగ్స్‌లో అడుగుపెట్టాడు. 449 రేటింగ్‌ పాయింట్లతో 77వ స్థానంలో కాన్వే ర్యాంకింగ్‌ జాబితాలోకి వచ్చాడు. బౌలర్ల జాబితాలో రవిచంద్రన్‌ అశ్విన్‌ రెండో స్థానంలో ఉన్నాడు. న్యూజిలాండ్‌ బౌలర్లు ట్రెంట్‌ బౌల్ట్‌, నీల్‌ వాగర్‌లు టాప్‌-5లో నిలిచారు.
