- డిజిటల్‌, వీడియో, ఇమేజ్‌ రైట్స్‌పై ఐఓఏ
న్యూఢిల్లీ : టోక్యో ఒలింపిక్స్‌కు అర్హత సాధించిన అథ్లెట్ల వీడియోలు, డిజిటల్‌, ఇమేజ్‌ రైట్స్‌ను వినియోగించుకునే హక్కు భారత ఒలింపిక్‌ సంఘం (ఐఓఏ) సొంతమని ఐఓసీ స్పష్టం చేసింది. ' ఒలింపిక్స్‌లో పాల్గొనబోతున్న అథ్లెట్ల అన్ని రకాల డిజిటల్‌, వీడియో, ఇమేజ్‌ రైట్స్‌ ఐఓఏకు చెందుతాయి. ఐఓఏ స్పాన్సర్లతో ఐఓఏ పంచుకునే అధికారం ఉంది. కొందరు అథ్లెట్లు విముఖత వ్యక్తం చేస్తున్నారు. ఇటువంటి అంశాలపై వ్యతిరేకతను తీవ్రంగా పరిగణిస్తాం. ఒలింపిక్స్‌లో అథ్లెట్లు విధిగా ఐఓఏ అందించిన జెర్సీలను మాత్రమే ధరించాలి. ఐఓఏ రూపొందించిన అఫిడవిట్లపై అథ్లెట్లు సంతకాలు చేయాలి' అని ఐఓఏ అధ్యక్షుడు బత్రా, కార్యదర్శి మెహతాలు తెలిపారు.
మీ స్నేహితులకు రికమెండ్ చెయ్యండి
