- ఐసీసీ టెస్టు ర్యాంకింగ్స్‌
దుబారు : భారత స్టార్‌ ఆటగాడు, లెఫ్టార్మ్‌ స్పిన్‌ ఆల్‌రౌండర్‌ రవీంద్ర జడేజా.. ఐసీసీ టెస్టు ర్యాంకింగ్స్‌లో అగ్రస్థానానికి చేరుకున్నాడు. దక్షిణాఫ్రికాతో టెస్టులో విండీస్‌ కెప్టెన్‌ జేసన్‌ హౌల్డర్‌ 28 రేటింగ్‌ పాయింట్లు కోల్పోయి.. జడేజా కంటే రెండు పాయింట్ల దిగువలో కొనసాగుతున్నాడు. 386 రేటింగ్‌ పాయింట్లతో రవీంద్ర జడేజా ప్రపంచ నం.1 ఆల్‌రౌండర్‌గా నిలిచాడు. 2017 ఆగస్టు తర్వాత జడేజా అగ్రస్థానంలోకి చేరుకోవటం ఇదే ప్రథమం. విండీస్‌పై మ్యాచ్‌ విన్నింగ్‌ ఇన్నింగ్స్‌ ఆడిన క్వింటన్‌ డికాక్‌ బ్యాట్స్‌మెన్‌ జాబితాలో టాప్‌-10లోకి వచ్చాడు. స్టీవ్‌ స్మిత్‌, కేన్‌ విలియమ్సన్‌, మార్నస్‌ లబుషేన్‌ తొలి మూడు స్థానాల్లో నిలువగా..భారత కెప్టెన్‌ విరాట్‌ కోహ్లి నాలుగో స్థానంలో ఉన్నాడు. రోహిత్‌ శర్మ, రిషబ్‌ పంత్‌లు వరుసగా ఆరు, ఏడు స్థానాల్లో కొనసాగుతున్నారు.