- అక్టోబర్‌ 17న ఆరంభం, నవంబర్‌ 14న ఫైనల్‌!
దుబారు : 2021 ఐసీసీ టీ20 ప్రపంచకప్‌ యునైటెడ్‌ అరబ్‌ ఎమిరేట్స్‌ (యుఏఈ)లోనే జరుగనుంది. వేదికపై జూన్‌ 1 లోపు ఐసీసీకి బీసీసీఐ సమాచారం ఇవ్వాల్సి ఉంది. ఐపీఎల్‌ 14 కొనసాగింపు సీజన్‌ అక్టోబర్‌ 10 లేదా 15న ముగియనుంది. దీంతో వరల్డ్‌కప్‌ నిర్వహణకు, ఐపీఎల్‌ బబుల్‌ నుంచి క్రికెటర్ల బదిలీకి యుఏఈలోనే అనువుగా ఉంటుంది. ఎనిమిది జట్లు పోటీపడే రౌండ్‌ 1 మ్యాచులో ఓమన్‌లో జరుగనున్నాయి. సూపర్‌12 దశలో 12 జట్లు రెండు గ్రూపులుగా విడిపోనున్నాయి. గ్రూప్‌ దశలో అగ్రస్థానంలో నిలిచిన రెండు జట్లు సెమీఫైనల్స్‌కు అర్హత సాధించనున్నాయి. సూపర్‌12 దశకు అబుదాబి, షార్జా, దుబారులు ఆతిథ్యం ఇవ్వనున్నాయి. అక్టోబర్‌ 17న తొలి రౌండ్‌ మ్యాచ్‌లో టీ20 ప్రపంచకప్‌ ఆరంభం కానుండగా.. నవంబర్‌ 14న ఫైనల్‌ జరుగనుంది. ఈ మేరకు బీసీసీఐ ప్రణాళిక సిద్ధం చేసినట్టు సమాచారం.