- తొలిసారి మూడు ఫార్మాట్లలోనూ 17 ఏండ్ల షెఫాలి
- అతి పిన్న వయస్కుల్లో ప్రపంచంలో ఐదో క్రీడాకారిణి
ముంబయి: భారత మహిళా క్రికెట్‌ జట్టు ఓపెనర్‌ షెఫాలి వర్మ ఆదివారం చరిత్ర సృష్టించింది. క్రికెట్‌ యొక్క మూడు ఫార్మాట్లలో (టెస్ట్‌, వన్డే, టీ 20) అరంగేట్రం చేసిన అతి పిన్న వయస్కురాలు. మహిళా-పురుష క్రికెటర్లలో ప్రపంచంలో 5 వ భారతీయ క్రీడాకారిణి. ఇంగ్లండ్‌తో జరిగిన బ్రిస్టల్‌ వన్డేలో ఈ ఘనతను సాధించింది. 17 ఏండ్ల 150 రోజుల వయసులో అరంగేట్రం చేసిన షెఫాలీ ఈ మ్యాచ్‌లో 14 బంతుల్లో 15 పరుగులు చేసింది. షెఫాలిను ఇంగ్లీష్‌ బౌలర్‌ కేథరీన్‌ బ్రంట్‌ క్యాచ్‌ చేశాడు.
తొలి టెస్టులో రెండు అర్ధ సెంచరీలు కొట్టి రికార్డు సృష్టించింది.
ఇటీవల ఇంగ్లాండ్‌తో టెస్ట్‌లోకి షెఫాలి అడుగుపెట్టగా.. ఈ మ్యాచ్‌లోని రెండు ఇన్నింగ్స్‌లలోనూ యాభై పరుగులు చేసింది. తొలి టెస్టులో షెఫాలీ 96, 63 పరుగులు సాధించింది. అయితే ఈ మ్యాచ్‌ డ్రాగా ముగిసింది.దీంతో తొలి టెస్టులో రెండు అర్ధ సెంచరీలు చేసిన తొలి మహిళా క్రీడాకారిణిగా షెఫాలి నిలిచింది.
ప్రపంచంలో అతి పిన్న వయస్కుడు ముజీబ్‌
మూడు ఫార్మాట్లలోనూ తొలిసారిగా ప్రపంచంలో ఐదవ క్రీడాకారిణిగా హర్యానా యువ క్రీడాకారిణి షెఫాలి నిలవగా... ప్రస్తుతం ఈ రికార్డు ఆఫ్ఘనిస్తాన్‌కు చెందిన ముజీబ్‌ ఉర్‌ రెహ్మాన్‌ పేరిట ఉన్నది, అతను 17 ఏండ్ల 78 రోజుల వయస్సులో మూడు ఫార్మాట్ల క్రికెట్‌ అరంగేట్రం చేశాడు.
ఇంగ్లాండ్‌కు చెందిన సారా టేలర్‌ 17 ఏండ్ల 86 రోజుల వయసుతో రెండో స్థానంలో ఉన్నది. మూడో స్థానంలో ఆస్ట్రేలియాకు చెందిన ఎల్లిస్‌ పెర్రీ (17 ఏండ్ల 104 రోజులు), పాకిస్థాన్‌కు చెందిన మహ్మద్‌ అమీర్‌ (17 ఏండ్ల 108 రోజులు) నాలుగో స్థానంలో ఉన్నారు.
టీ 20 లో షెఫాలి నంబర్‌ 1
ఐసీసీ ప్రపంచ ర్యాంకింగ్స్‌లో టీ 20 లో భారతీయ ఓపెనర్‌ షెఫాలి నంబర్‌ -1 లో ఉన్నది. ఆమె ఇప్పటివరకు 22 టీ 20 ఇంటర్నేషనల్‌ మ్యాచులను ఆడింది. 29.38 సగటుతో 617 పరుగులు చేసింది. వీటిలో మూడు అర్ధ సెంచరీలు ఉన్నాయి. షెఫాలి ఉత్తరమస్కోరు 73 పరుగులు.
మహిళా సెహ్వాగ్‌ షెఫాలి
ఆమె దూకుడు ఇన్నింగ్స్‌ కారణంగా.. షెఫాలిని మహిళా వీరేందర్‌ సెహ్వాగ్‌ అని పిలుస్తారు. అంతకుముందు దక్షిణాఫ్రికాతో జరిగిన స్వదేశీ వన్డే సిరీస్‌లో ఆమెను టీమ్‌లోకి తీసుకోలేదు. ఫలితంగా భారత జట్టు 1-4 తేడాతో ఓటమిని ఎదుర్కోవాల్సి వచ్చింది.ఆ తర్వాత భారత సెలెక్టర్లు విమర్శలు ఎదుర్కొన్నారు. చిన్నవయస్సు రాలైనా చిచ్చరపిడుగులా ఆడే షెఫాలిని జట్టులో ఉండాల్సిందేనన్న డిమాండ్‌ క్రీడాభిమానులనుంచి ఎక్కువగా వస్తున్నది.