-  హెచ్‌సీఏ అధ్యక్షుడు అజహరుద్దీన్‌ ప్రకటన
నవతెలంగాణ - హైదరాబాద్‌ 
అపెక్స్‌ కౌన్సిల్‌ సభ్యులు, అధ్యక్షుడి నడుమ వివాదం నడుస్తుండగానే.. హెచ్‌సీఏ క్రికెట్‌ సీజన్‌కు ప్రకటన వెలువడింది. ఈ నెల 12 నుంచి టీ20 టైగర్‌ కప్‌ టోర్నీ ఆరంభం కానుందని హైదరాబాద్‌ క్రికెట్‌ సంఘం అధ్యక్షుడు మహ్మద్‌ అజహరుద్దీన్‌ ప్రకటించారు. బీసీసీఐ దేశవాళీ క్రికెట్‌ సీజన్‌ సయ్యద్‌ ముస్తాక్‌ అలీ టీ20 టోర్నీతో ఆరంభం కానున్న సంగతి తెలిసిందే. దీంతో హెచ్‌సీఏ సీజన్‌ను సైతం పొట్టి ఫార్మాట్‌ టోర్నీతోనే ఆరంభించాలని అజహరుద్దీన్‌ అధ్యక్షతన అపెక్స్‌ కౌన్సిల్‌ నిర్ణయించింది. టీ20 టైగర్‌ కప్‌ టోర్నీలో పాల్గొనేందుకు క్లబ్‌లు ఈ నెల పదో తేదిలోగా దరఖాస్తులు సమర్పించాలని ఓ ప్రకటనలో తెలిపారు. సయ్యద్‌ ముస్తాక్‌ అలీ టీ20 టోర్నీలో తలపడే జట్టును ఎంపిక చేసేందుకు అజహరుద్దీన్‌ ఈ టోర్నీని స్వయంగా పర్యవేక్షించనున్నారని అతడి సన్నిహితులు చెబుతున్నారు!.