- ఒలింపిక్‌ అథ్లెట్లకు ఒడిశా భారీ నజరానా
భువనేశ్వర్‌ : టోక్యో ఒలింపిక్స్‌లో పతకాలు సాధించే ఒడిశా అథ్లెట్లకు ఆ రాష్ట్ర ముఖ్యమంత్రి నవీన్‌ పట్నాయక్‌ భారీ నగదు ప్రోత్సాహకాలు ప్రకటించారు. ఒలింపిక్స్‌లో పాల్గొంటున్న ఒడిశా అథ్లెట్లతో వర్చువల్‌ భేటిలో మాట్లాడిన పట్నాయక్‌.. ఒక్కో అథ్లెట్‌కు రూ.15 లక్షలు తక్షణ బహుమతి ప్రకటించారు. స్వర్ణానికి రూ.6 కోట్లు, రజతానికి రూ.4 కోట్లు, కాంస్యానికి రూ.2.5 కోట్ల నగదు ప్రోత్సాహకం ప్రకటించారు. ఒడిశా అథ్లెట్లు బరెందర్‌ లక్రా, అమిత్‌ రోహిదాస్‌ (మెన్స్‌ హాకీ), దీప్‌ గ్రేస్‌ ఎక్కా, నమితా (ఉమెన్స్‌ హాకీ), ద్యుతీ చంద్‌ (అథ్లెటిక్స్‌), ప్రమోద్‌ భగత్‌ (పారా షట్లర్‌)లు ఒలింపిక్స్‌లో ఆడనున్నారు.