- టైటిల్‌ వేటలో అర్జెంటీనా, బ్రెజిల్‌
- కోపా అమెరికా ఫుట్‌బాల్‌ కప్‌
రియో డీ జనీరియో : పీలే, డీగో మారడోనా.. బ్రెజిల్‌, అర్జెంటీనా ఆల్‌టైమ్‌ సాకర్‌ దిగ్గజాలు. ప్రపంచకప్‌లు అందించిన ఈ లెజెండ్స్‌ జాతీయ జట్టును కోపా అమెరికా విజేతగా నిలుపలేదు. ఆధునిక సాకర్‌లో లియోనల్‌ మెస్సీ, నెరుమార్‌ జూనియర్‌లు అర్జెంటీనా, బ్రెజిల్‌ సాకర్‌ సూపర్‌స్టార్స్‌. విచిత్రంగా ఈ ఇద్దరూ జాతీయ జట్టుకు కోపా అమెరికా అందించలేదు. కెరీర్‌లో చివరి కోపా అమెరికా ఆడుతున్న లియోనల్‌ మెస్సీ కప్పు కోసం కసిగా ఆడుతున్నాడు. నాలుగు గోల్స్‌, ఐదు గోల్స్‌ సహకారంతో టోర్నీలో అగ్రస్థానంలో ఉన్నాడు. అర్జెంటీనా, బ్రెజిల్‌లు గతంలో నాలుగుసార్లు ఫైనల్లో పోటీపడగా.. అందులో బ్రెజిల్‌ 3-1తో చరిత్రను తనవైపుకు నిలుపుకుంది. సూపర్‌ ఫామ్‌లో ఉన్న లియోనల్‌ మెస్సీని నిలువరించేందుకు బ్రెజిల్‌ అన్ని అస్త్రాలు సిద్ధం చేసే ఉంటుంది. అయినా, నెరుమార్‌ జట్టును మట్టికరిపించి కోపా అమెరికాను కౌగిలించుకునేందుకు మెస్సీ అడుగులు వేస్తున్నాడు. నేడు ఉదయం 5.30 గంటలకు కోపా అమెరికా ఫైనల్‌ ఆరంభం కానుంది.
