- రెండో టీ20లో భారత్‌ గెలుపు
హౌవె : భారత బౌలర్లు సమిష్టిగా రాణించటంతో రెండో టీ20లో అమ్మాయిలు అదిరే విజయం సాధించారు. 149 పరుగుల ఊరించే ఛేదనలో ఇంగ్లాండ్‌ 106/2తో గెలుపు దిశగా సాగింది. టామీ బ్యూమోంట్‌ (59), హీథర్‌ నైట్‌ (30)లను వరుసగా అవుట్‌ చేసిన భారత్‌ మ్యాచ్‌పై పట్టు బిగించింది. ఆమీ జోన్స్‌ (11), సోఫియా డంక్లీ (4), కేథరిన్‌ బ్రంట్‌ (5), డానీ వ్యాట్‌ (3), నటాలీ సీవర్‌ (1)లకు కళ్లెం వేసి 8 పరుగుల తేడాతో విజయం సాధించారు. పూనమ్‌ యాదవ్‌ (2/17), దీప్తి శర్మ (1/18)లు మెరిశారు. షఫాలీ (48), మంధాన (20), హర్మన్‌ప్రీత్‌ (31), దీప్తి (24) రాణించగా తొలుత భారత్‌ 148/4 పరుగులు చేసింది. సిరీస్‌లో నిర్ణయాత్మక మూడో టీ20 బుధవారం జరుగనుంది.