- 2021 టీ20 ప్రపంచకప్‌ షెడ్యూల్‌
దుబాయ్ : ప్రపంచ క్రికెట్‌ అభిమానులు ఎప్పుడెప్పుడా అని ఎదురుచూస్తున్న సమరం ఎప్పుడే తేలిపోయింది. ద్వైపాక్షిక సమరానికి దూరమై.. ఐసీసీ వేదికగానే తలపడుతున్న పొరుగు దేశాలు భారత్‌, పాకిస్థాన్‌ 2021 టీ20 ప్రపంచకప్‌లో తమ తొలి పోరులోనే ముఖాముఖి ఢకొీట్టనున్నారు. ఐసీసీ 2021 టీ20 ప్రపంచకప్‌ అక్టోబర్‌ 17న ఓమన్‌లో ఆరంభం కానుండగా.. సూపర్‌12 దశ అక్టోబర్‌ 23న మొదలు కానుంది. ఓవన్‌లో అర్హత దశ మ్యాచులు జరుగుతాయి. భారత్‌, పాకిస్థాన్‌లు అక్టోబర్‌ 24న తమ తొలి మ్యాచ్‌లోనే తలపడనున్నాయి. ఈ మేరకు టీ20 ప్రపంచకప్‌ షెడ్యూల్‌ మంగళవారం విడుదల చేశారు. సూపర్‌12 ఆరంభ రోజున ఆస్ట్రేలియా, దక్షిణాఫ్రికా.. ఇంగ్లాండ్‌, వెస్టిండీస్‌లు తలపడనున్నాయి. అక్టోబర్‌ 24న భారత్‌, పాకిస్థాన్‌లు ఆడనుండగా.. అక్టోబర్‌ 30న మరో ఆసక్తిక సమరం ఇంగ్లాండ్‌, ఆస్ట్రేలియాలు ఢకొీట్టనున్నాయి. గ్రూప్‌ దశలో భారత్‌ అక్టోబర్‌ 24న పాకిస్థాన్‌, అక్టోబర్‌ 31న న్యూజిలాండ్‌, నవంబర్‌ 3న అఫ్గానిస్థాన్‌, నవంబర్‌ 5న అర్హత జట్టుతో, నవంబర్‌ 8న అర్హత జట్టుతో పోటీపడనుంది. ప్రపంచకప్‌ ఫైనల్‌ నవంబర్‌ 14న దుబారులో జరుగనుంది.