- 37వ ర్యాంక్‌లో కెఎల్‌ రాహుల్‌
- ఐసీసీ టెస్టు ర్యాంకింగ్స్‌
దుబాయ్ : ఇంగ్లాండ్‌పై లార్డ్స్‌ టెస్టులో శతకం బాదిన భారత ఓపెనర్‌ కెఎల్‌ రాహుల్‌ ర్యాంకింగ్స్‌లోనూ అదే జోరు చూపించాడు. లార్డ్స్‌ శతకంతో 19వ స్థానాలు ఎగబాకిన రాహుల్‌ 37వ స్థానానికి చేరుకున్నాడు. భారత కెప్టెన్‌ విరాట్‌ కోహ్లి టాప్‌-5లో కొన సాగుతుండగా.. రోహిత్‌ శర్మ, రిషబ్‌ పంత్‌లు వరుసగా 6, 7 స్థానాల్లో ఉన్నారు. సిరీస్‌ను నం.5గా మొదలెట్టిన ఇంగ్లాండ్‌ కెప్టెన్‌ జో రూట్‌ వరుస సెంచరీలతో రెండో స్థానానికి చేరుకున్నాడు. తొలి టెస్టు అనంతరం కోహ్లిని వెనక్కి నెట్టి నాలుగో స్థానానికి చేరిన రూట్‌.. రెండో టెస్టు అనంతరం ఏకంగా రెండు స్థానాలు మెరుగయ్యాడు. కేన్‌ విలియమ్సన్‌ తర్వాతి స్థానంలో నిలిచాడు. బౌలర్ల జాబితాలో జశ్‌ప్రీత్‌ బుమ్రా ఓ స్థానం కోల్పోయి పదో ర్యాంక్‌కు పడిపోయాడు. మహ్మద్‌ సిరాజ్‌ 18 స్థానాలు మెరుగై 38వ స్థానంలోకి వచ్చాడు.