- టీ20 ప్రపంచకప్‌కు ఆసీస్‌
సిడ్నీ : గాయం నుంచి కోలుకుంటున్న అరోన్‌ ఫించ్‌ సారథ్యంలోనే ఆస్ట్రేలియా 2021 టీ20 ప్రపంచకప్‌కు రానుంది. రెగ్యులర్‌ స్టార్స్‌తో కూడిన కంగారూ జట్టును సీఏ ప్రకటించింది. డెవిడ్‌ వార్నర్‌, స్టీవ్‌ స్మిత్‌, గ్లెన్‌ మాక్స్‌వెల్‌ సహా పాట్‌ కమిన్స్‌లకు పొట్టి ఫార్మాట్‌ జట్టులోకి రీ ఎంట్రీ లభించింది. యుఏఈలో జరుగనున్న పొట్టి ప్రపంచకప్‌కు పేస్‌, స్పిన్‌, హార్డ్‌ హిట్టింగ్‌ మేళవింపుతో కూడిన జట్టును ఆస్ట్రేలియా ఎంపిక చేసింది. స్టార్స్‌ లేని వేళ వెస్టిండీస్‌, బంగ్లాదేశ్‌లకు టీ20 సిరీస్‌లు కోల్పోయిన ఆస్ట్రేలియా.. టీ20 ప్రపంచకప్‌కు టైటిల్‌పై కన్నేసి బరిలోకి దిగుతోంది.
ఆస్ట్రేలియా టీ20 జట్టు : ఆరోన్‌ ఫించ్‌ (కెప్టెన్‌), అష్టన్‌ ఆగర్‌, పాట్‌ కమిన్స్‌ (వైస్‌ కెప్టెన్‌), జోశ్‌ హేజిల్‌వుడ్‌, జోశ్‌ ఇంగ్లీశ్‌, మిచెల్‌ మార్ష్‌, గ్లెన్‌ మాక్స్‌వెల్‌, కేన్‌ రిచర్డ్‌సన్‌, స్టీవ్‌ స్మిత్‌, మిచెల్‌ స్టార్క్‌, మార్కస్‌ స్టోయినిస్‌, మిచెల్‌ స్విప్సన్‌, మాథ్యూ వేడ్‌, డెవిడ్‌ వార్నర్‌, ఆడం జంపా.
