- నిసా అథ్లెటిక్స్‌ మీట్‌ ముగింపులో సింధు
నవతెలంగాణ, హైదరాబాద్ :
' విజయం సాధించటం ఎంతో సంతోషాన్ని ఇస్తుంది. విజయం అంటే ప్రతిసారీ గెలుపొందటమే కాదు. బరిలో నిలిచి పోరాట స్ఫూర్తి కనబరచటం సైతం విజయమే' అని భారత స్టార్‌ ఒలింపియన్‌ పి.వి సింధు వ్యాఖ్యానించింది. నేషనల్‌ ఇండిస్టియల్‌ సెక్యూరిటీ అకాడమీ (ఎన్‌ఐఎస్‌ఏ) వార్షిక అథ్లెటిక్స్‌ మీట్‌ ముగింపు కార్యక్రమానికి ముఖ్య అతిథిగా హాజరైన సింధు విజేతలకు బహుమతులు ప్రదానం చేశారు. రెండు సార్లు ఒలింపిక్‌ పతకాలు సాధించిన సింధుకు నిసా డైరెక్టర్‌, అడిషనల్‌ డైరెక్టర్‌ జనరల్‌ ఆఫ్‌ పోలీసు సి.వి ఆనంద్‌, సీఐఎస్‌ఎఫ్‌ శిక్షణ అధికారులు ఘన స్వాగతం పలికారు. ఒలింపిక్స్‌లో రెండు సార్లు పతకాలు గెలిచిన సింధు పట్ల యావత్‌ దేశం గర్విస్తుందని సి.వి ఆనంద్‌ అన్నారు.
మీ స్నేహితులకు రికమెండ్ చెయ్యండి
