ఒలోమౌక్‌(చెక్‌రిపబ్లిక్‌): చెక్‌ ఇంటర్నేషనల్‌ ఓపెన్‌ టేబుల్‌ టెన్నిస్‌ పురుషుల సింగిల్స్‌ ఫైనల్లోకి సాథియాన్‌ ప్రవేశించారు. బుధవారం సెమీస్‌లో సాథియాన్‌ ప్రత్యర్ధి, స్వీడన్‌కు చెందిన ట్రల్స్‌ మొరెగర్ద్‌ మ్యాచ్‌ మధ్యలో వైదొలగడంతో సాథియాన్‌కు ఫైనల్‌బెర్త్‌ ఖాయమైంది. టాప్‌సీడ్‌గా బరిలోకి దిగిన సాథియాన్‌ తొలి రెండు గేమ్‌లను 11-4, 11-8తో గెలిచి, మూడోగేమ్‌లోనూ 8-2పాయింట్ల ఆధిక్యతలో ఉండగా మొరెగర్ద్‌ గాయంతో మ్యాచ్‌ మధ్యలో వైదొలిగాడు. ప్రపంచ ర్యాంకింగ్స్‌లో 39వ స్థానంలో ఉన్న సాథియాన్‌ ఫైనల్లో ఉక్రెయిన్‌కు చెందిన యవ్‌హెన్‌తో తలపడనున్నాడు. బుడాపెస్ట్‌ వేదికగా జరిగిన డబ్ల్యుటిటి మిక్స్‌డ్‌ డబుల్స్‌ టైటిల్‌ను మనిక బత్రా-సాథియాన్‌ జోడీ గెలుపొందిన విషయం తెలిసిందే.
మీ స్నేహితులకు రికమెండ్ చెయ్యండి
