లండన్‌: ప్రపంచ టెస్ట్‌ ఛాంపియన్‌షిప్‌(డబ్ల్యుటీసీి) పాయింట్లలో భారత్‌ అగ్రస్థానంలో నిలిచింది. ఇంగ్లండ్‌తో జరిగిన రెండోటెస్ట్‌లో భారత్‌ 151 పరుగుల తేడాతో ఘన విజయం సాధించడంతో భారత్‌ ఖాతాలో 14పాయింట్లు జమ అయ్యాయి. ఇక ఇరుజట్ల మధ్య జరిగిన తొలిటెస్ట్‌ వర్షం కారణంగా డ్రా అయ్యింది. విదేశీ పర్యటనలో భారత ఆడిన తొలి రెండు టెస్ట్‌ల ఆధారంగా పాయింట్లలో భారత్‌ అగ్రస్థానంలో నిలిచింది. తొలి టెస్ట్‌లో భారత్‌ ఖాతాలో 4 పాయింట్లు జమ కాగా.. రెండోటెస్ట్‌ గెలుపుతో భారత్‌కు 12పాయింట్లు దక్కాయి. కాని స్లో ఓవర్‌ రేట్‌ కారణంగా భారత్‌ 2 పాయింట్లను కోల్పోయింది. దీంతో భారత్‌ 14 పాయింట్లతో అగ్రస్థానంలో ఉంది. ఇక పాకిస్తాన్‌జట్టు రెండో టెస్ట్‌ వెస్టిండీస్‌ను 109 పరుగుల తేడాతో చిత్తుచేయడంతో ఆ జట్టు ఖాతాలో 12పాయింట్లు ఉన్నాయి