- వన్డే కెప్టెన్‌ మిథాలీరాజ్‌
ముంబయి : 2022 ఐసీసీ వన్డే వరల్డ్‌కప్‌పైనే ఫోకస్‌ నిలిపామని భారత మహిళల క్రికెట్‌ జట్టు కెప్టెన్‌ మిథాలీరాజ్‌ తెలిపింది. ఆస్ట్రేలియా పర్యటనకు బయల్దేరే ముందు మిథాలీ మీడియాతో మాట్లాడింది. ' ఆసీస్‌లో తొలుత వన్డేలు ఆడనున్నాం. మా దృష్టి సైతం వన్డే వరల్డ్‌కప్‌పైనే ఉండటంతో ఈ సిరీస్‌ కీలకం. ఏకైక టెస్టుకు వన్డే ఫార్మాట్‌ ఆత్మవిశ్వాసంతో బరిలోకి దిగుతాం. టెస్టు మ్యాచ్‌కు ప్రత్యేక సన్నద్ధత అవసరం లేదనే అనుకుంటున్నాను. మెరుగుపడాల్సిన అంశాలపై దృష్టి నిలిపాం. బెంగళూర్‌ శిక్షణ శిబిరంలో బలహీనతలపై పని చేశాం. ఆసీస్‌తో సిరీస్‌తో సంబంధం లేకుండా వన్డే వరల్డ్‌కప్‌కు సిద్ధమవుతున్నాం. ఆ దిశగా ఆసీస్‌ పర్యటనకు కీలకం' అని మిథాలీరాజ్‌ తెలిపింది.