- రోహిత్‌, భరత్‌లకు స్వర్ణం
- ఆసియా జూనియర్‌ చాంపియన్‌షిప్స్‌
దుబాయ్ : 2021 ఏస్‌బిసి ఆసియా జూనియర్‌ బాక్సింగ్‌ చాంపియన్‌షిప్స్‌లో భారత్‌కు రెండు పసిడి పతకాలు వచ్చాయి. యువ బాక్సర్లు ఇప్పటికే కాంస్య పంచ్‌లు విసిరినా.. ఆదివారమే స్వర్ణ పతకాలు రావటం. బార్సు 48 కేజీల విభాగంలో రోహిత్‌ చామోలి పసిడి విజేతగా నిలిచాడు. మంగోలియా బాక్సర్‌కు తొలి రౌండ్‌ను కోల్పోయినా గొప్పగా పుంజుకున్న రోహిత్‌ 3-2తో విజయం సాధించాడు. ఈవెంట్‌లో భారత్‌కు తొలి బంగారు పతకం అందించాడు. 81 ప్లస్‌ కేజీల విభాగంలో భరత్‌ జూన్‌ ఎదురులేని విజయంతో పసిడి పట్టాడు. ఫైనల్లో ఐదు రౌండ్లలో ప్రత్యర్థిని మట్టికరిపించిన భరత్‌ బంగారు పతకం పట్టుకొచ్చాడు. ఆదివారం జరిగిన మరో పసిడి పోరులో గౌరవ్‌ సైని రజతంతో సరిపెట్టుకున్నాడు. ఉబ్బెకిస్థాన్‌ బాక్సర్‌ చేతిలో 0-5తో పరాజయం పాలై సిల్వర్‌ మెడల్‌ అందుకున్నాడు.