న్యూయార్క్‌: యుఎస్‌ ఓపెన్‌ గ్రాండ్‌స్లామ్‌ పురుషుల సింగిల్స్‌ మూడోరౌండ్‌లోకి 2వ సీడ్‌ మెద్వెదేవ్‌, 3వ సీడ్‌ సిట్సిపాస్‌, 11వ సీడ్‌ స్వాట్స్‌మన్‌ ప్రవేశించారు. బుధవారం రాత్రి జరిగిన రెండోరౌండ్‌ పోటీలో సిట్సిపాస్‌(గ్రీక్‌) 6-3, 6-4, 6-7(4-7), 6-0 తేడాతో మనారియో(ఫ్రాన్స్‌)ను చిత్తుచేశాడు. మరో పోటీలో స్వాట్స్‌మన్‌(అర్జెంటీనా) 7-6(7-4), 6-3, 6-4తేడాతో ఆండర్సన్‌(దక్షిణాఫ్రికా)ను, టఫీ(అమెరికా) 6-1, 6-2, 7-5తేడాతో పెల్లా(అర్జెంటీనా)ను, మెద్వెదేవ్‌(రష్యా) 6-4, 6-1, 6-2తేడాతో కూఫెర్‌(జర్మనీ)ని వరుససెట్లలో చిత్తుచేశాడు. ఇతర పోటీల్లో 18వ సీడ్‌ బటిస్టా అగట్‌(స్పెయిన్‌), 12వ సీడ్‌ ఆగర్‌(కెనడా) రెండోరౌండ్‌ పోటీలో గెలుపొందగా.. 8వ సీడ్‌ రూడ్‌(నార్వే) 6-3, 4-6,న 3-6, 4-6 తేడాతో వాన్‌-డే చేతిలో ఓడాడు.
సబలెంక, హలెప్‌ ముందుకు
    మహిళల సింగిల్స్‌లో 2వ సీడ్‌ సబలెంకా(బెలారస్‌), 12వ సీడ్‌ హలెప్‌(రొమేనియా) మూడోరౌండ్‌లోకి ప్రవేశించారు. సబలెంకా 6-3, 6-1తో జిదాన్సేక్‌(స్లొవేనియా)ను, హలెప్‌ 6-3, 6-1తో కుకోవా(స్లొవేకియా)ను చిత్తుచేశారు. ఇతర రెండోరౌండ్‌ పోటీల్లో 18వ సీడ్‌ అజరెంకా, 25వ సీడ్‌ కసట్కినా, 8వ సీడ్‌ క్రేజికోవా(రష్యా) ప్రత్యర్థులపై గెలుపొందగా.. 32వ సీడ్‌ అలెగ్జాండ్రోవా(రష్యా) 4-6, 1-6 తేడాతో తన దేశానికే చెందిన చేతిలో ఓడింది.. ఇక 26వ సీడ్‌ కోలిన్స్‌(అమెరికా) 6-4, 6-2తో జువాన్స్‌ను చిత్తుచేయగా.. స్విటోలినా, జాబియర్‌, మెర్టెన్స్‌, కోకా గాఫ్‌, ముగురుజా ప్రత్యర్థులపై విజయం సాధించి మూడోరౌండ్‌కు చేరుకున్నారు.
అంకిత జోడీ పరాజయం
    మహిళల డబుల్స్‌లో అంకిత రైనా తొలిరౌండ్‌లోనే పరాజయంపాలైంది. బుధవారం రాత్రి జరిగిన తొలిరౌండ్‌ పోటీలో రైనా-బొండరెంకో(ఉక్రెయిన్‌) జోడీ 1-6, 1-6 తేడాతో 8వ సీడ్‌ క్లెపక్‌(స్లొవేనియా)- జురాక్‌(క్రొయేషియా) జోడీ చేతిలో పరాజయంపాలైంది.