- టీ20 ప్రపంచకప్‌ జట్టు సిద్ధం
ముంబయి : 2021 ఐసీసీ టీ20 ప్రపంచకప్‌కు భారత జట్టును అతి త్వరలోనే ప్రకటించనున్నారు. చేతన్‌ శర్మ అధ్యక్షతన సీనియర్‌ సెలక్షన్‌ కమిటీ ఇప్పటికే పలుమార్లు సమావేశమైంది. కెప్టెన్‌ విరాట్‌ కోహ్లి, చీఫ్‌ కోచ్‌ రవిశాస్త్రిలతో మంతనాలు జరిపింది. ప్రపంచకప్‌లో పోటీపడే 15 మంది జట్టుపై సెలక్షన్‌ కమిటీపై ఓ స్పష్టతకు వచ్చినట్టు బీసీసీఐ వర్గాలు వెల్లడించాయి. జట్టు మేనేజ్‌మెంట్‌తో మరో దఫా చర్చించిన అనంతరం అధికారికంగా జట్టు ప్రకటించాలని ఆలోచన చేస్తున్నారు. నాల్గో టెస్టు ముగిసిన అనంతరం కెప్టెన్‌ విరాట్‌ కోహ్లి, చీఫ్‌ కోచ్‌ రవిశాస్త్రిలతో వీడియో కాన్ఫరెన్స్‌లో సమావేశమై మంగళవారం జట్టును ప్రకటించనున్నట్టు సమాచారం. కరోనా పరిస్థితుల నేపథ్యంలో ప్రథమ ప్రాధాన్య 15 మంది జట్టుతో పాటు అదనంగా మరో 8 మంది క్రికెటర్లను సైతం యుఏఈకి పంపించే అవకాశాలు కనిపిస్తున్నాయి.