- భారత్‌తో ఐదో టెస్టుకు ఇంగ్లాండ్‌ జట్టు
మాంచెస్టర్‌ : ది ఓవల్‌ టెస్టులో 157 పరుగుల భారీ తేడాతో పరాజయం పాలైన ఆతిథ్య ఇంగ్లాండ్‌.. సిరీస్‌లో చివరి, ఐదో టెస్టుకు సిద్ధమవుతోంది. పితృత్వ సెలవులో వెళ్లిన వికెట్‌ కీపర్‌ బ్యాట్స్‌మన్‌ జోశ్‌ బట్లర్‌ నాలుగో టెస్టుకు దూరమైన సంగతి తెలిసిందే. అహ్మదాబాద్‌లో భారత్‌ చేతిలో ఇన్నింగ్స్‌ ఓటమి అనంతరం ఇంగ్లాండ్‌ తరఫున ఆడని జాక్‌ లీచ్‌, జోశ్‌ బట్లర్‌ను ఐదో టెస్టుకు ఎంపిక చేశారు. మాంచెస్టర్‌లో భారత్‌, ఇంగ్లాండ్‌ ఐదో టెస్టు శుక్రవారమే ఆరంభం కానుంది. ది ఓవల్‌లో భారత రెండో ఇన్నింగ్స్‌లో ఇంగ్లాండ్‌ బౌలర్లు సుమారు 150 ఓవర్లు వేశారు. జేమ్స్‌ అండర్సన్‌, క్రిస్‌ వోక్స్‌లపై ఓవల్‌లో అధిక పని భారం పడింది. దీంతో మాంచెస్టర్‌లో నూతన పేస్‌ విభాగాన్ని బరిలోకి దించే ఆలోచనలో ఉంది ఇంగ్లాండ్‌.
ఐదో టెస్టుకు ఇంగ్లాండ్‌ : జో రూట్‌ (కెప్టెన్‌), మోయిన్‌ అలీ, జేమ్స్‌ అండర్సన్‌, జానీ బెయిర్‌స్టో, రోరీ బర్న్స్‌, జోశ్‌ బట్లర్‌, శామ్‌ కరన్‌, హసీబ్‌ హమీద్‌, డాన్‌ లారెన్స్‌, జాక్‌ లీచ్‌, డెవిడ్‌ మలాన్‌, క్రెయిగ్‌ ఓవర్టన్‌, ఒలీ పోప్‌, ఒలీ రాబిన్సన్‌, క్రిస్‌ వోక్స్‌, మార్క్‌ వుడ్‌.
