- ఐసీసీ టీ20 ర్యాంకింగ్స్‌
దుబాయ్ : టీమ్‌ ఇండియా యువ సంచలనం షెఫాలీ వర్మ ఐసీసీ ర్యాంకింగ్స్‌లో అగ్రస్థానంలో కొనసాగుతోంది. ఐసీసీ టీ20 బ్యాటర్ల జాబితాలో వర్మ వరల్డ్‌ నం.1గా కొనసాగుతోంది. న్యూజిలాండ్‌ బ్యాటర్‌ సోఫి డెవినె నం.1 ఆల్‌రౌండర్‌గా కొనసాగుతోంది. ఆస్ట్రేలియా బ్యాటర్‌ బెత్‌ మూనీ కంటే 15 రేటింగ్‌ పాయింట్ల ముందున్న వర్మ.. అగ్రస్థానం నిలుపుకుంది. 759 పాయింట్లతో షెఫాలీ వర్మ ఉండగా.. బెత్‌ మూనీ 744 పాయింట్లతో రెండో స్థానంలో ఉంది. టీమ్‌ ఇండియా టీ20 వైస్‌ కెప్టెన్‌ స్మృతీ మంధాన 716 పాయింట్లతో మూడో స్థానంలో కొనసాగుతోంది. ఆస్ట్రేలియా కెప్టెన్‌ మెగ్‌ లానింగ్‌ నాలుగో స్థానం సాధించింది. బౌలర్ల జాబితాలో దీప్తి శర్మ ఆరో స్థానానికి ఎగబాకగా.. పూనమ్‌ యాదవ్‌ ఎనిమిదో స్థానం సాధించింది.