- ఐదోటెస్ట్‌ రీ షెడ్యూల్‌కు ప్రతిపాదన
మాంచెస్టర్‌: ఐదోటెస్ట్‌ రద్దు కావడంతో బిసిసిఐ అధ్యక్షులు సౌరవ్‌ గంగూలీ ఇంగ్లండ్‌కు పయనం కానున్నాడు. ఐదో టెస్ట్‌ రీ షెడ్యూల్‌కు ఇంగ్లండ్‌-వేల్స్‌ క్రికెట్‌బోర్డుతోపాటు చర్చించనున్నట్లు సమాచారం. ఐదోటెస్టుకు ముందురోజు భారతజట్టు సహాయక సిబ్బందిలో ఒకరు కరోనా బారిన పడడం, అతడితో పలువురు క్రికెటర్లు సన్నిహితంగా తెలియడంతో చివరి టెస్టులో ఆడలేమని ఆటగాళ్లు బిసిసిఐకి లేఖ రాసారు. దీంతో శుక్రవారం ఇరుబోర్డుల సంప్రదింపుల అనంతరం మ్యాచ్‌ను రద్దు చేశారు. దీంతో ఇంగ్లండ్‌ క్రికెట్‌ బోర్డుతోపాటు ప్రసార హక్కుదారులకు భారీ నష్టం వాటిల్లే ప్రమాదముంది. ఆ లోటును పూడ్చేందుకు సెప్టెంబర్‌ 22న గంగూలీ ఇంగ్లండ్‌ వెళ్లి ఐదో టెస్ట్‌ రీ షెడ్యూల్‌కు ప్రతిపాదించనున్నట్లు తెలిసింది.
మీ స్నేహితులకు రికమెండ్ చెయ్యండి
