న్యూఢిల్లీ : కోవిడ్‌-19 పరిస్థితులు, అవాంతరాల కారణంగా జూనియర్‌ మెన్స్‌ హాకీ ప్రపంచకప్‌, హాకీ ప్రో లీగ్‌ నుంచి ఆస్ట్రేలియా, న్యూజిలాండ్‌ జట్లు తప్పుకున్నాయి. జూనియర్‌ మెన్స్‌ హాకీ వరల్డ్‌కప్‌ ఈ నవంబర్‌-డిసెంబర్‌లో భారత్‌లో జరుగనుంది. హాకీ ప్రో లీగ్‌ అక్టోబర్‌లో ఆరంభం కావాల్సి ఉంది. దక్షిణాఫ్రికాలో జరుగనున్న జూనియర్‌ ఉమెన్స్‌ హాకీ వరల్డ్‌కప్‌కు సైతం ఆస్ట్రేలియా జట్టు దూరం కానుంది. కోవిడ్‌ పరిస్థితుల్లో ఆస్ట్రేలియా ప్రభుత్వ మార్గదర్శకాలు, సూచనల మేరకు విదేశీ పర్యటనలకు దూరంగా ఉంటున్నట్టు హాకీ ఆస్ట్రేలియా వెల్లడించింది.
మీ స్నేహితులకు రికమెండ్ చెయ్యండి
