దుబాయ్ : ఇండియన్‌ ప్రీమియర్‌ లీగ్‌ (ఐపీఎల్‌) ప్రసారాలపై అఫ్గానిస్తాన్‌ నూతన తాలిబన్‌ ప్రభుత్వం నిషేధం విధించింది. ఈ మేరకు అఫ్గాన్‌ మీడియాకు హెచ్చరికలు జారీ చేసింది. ఐపీఎల్‌లో ఛీర్‌లీడర్ల నృత్యాలు, విలక్షణ కేశాలంకరణలతో మహిళా ప్రేక్షకులు మ్యాచులకు హాజరు కావటం ఇస్లాం భావాలకు వ్యతిరేకంగా ఉన్నాయని, ఐపీఎల్‌ ప్రసారాలు నిషేధిస్తున్నామని తాలిబన్‌ ప్రభుత్వం ప్రకటించింది. అఫ్గానిస్తాన్‌ క్రికెట్‌ బోర్డు మాజీ మేనేజర్‌ ఇబ్రహీ ఈ విషయాన్ని సోషల్‌ మీడియా వేదికగా తెలియజేశారు. తాలిబన్ల తాజా నిర్ణయంపై అఫ్గాన్‌ పాత్రికేయులు సోషల్‌ మీడియా వేదికగా విమర్శలు గుప్పిస్తున్నారు. అఫ్గాన్‌ క్రికెటర్లు రషీద్‌ ఖాన్‌, మహ్మద్‌ నబి, ముజీర్‌ రెహమాన్‌లు ఐపీఎల్‌లో ఆడుతున్న సంగతి తెలిసిందే.