కొలంబో : అంతర్జాతీయ క్రికెట్‌లో నానాటికి శ్రీలంక క్రికెట్‌ స్థాయికి దిగజారుతున్న తరుణంలో.. ఆ దేశ క్రికెట్‌ బోర్డు శుక్రవారం కీలక నిర్ణయం తీసుకుంది. ఐపీఎల్‌లో అత్యంత విజయవంతమైన చీఫ్‌ కోచ్‌ మహేళ జయవర్దనెను రానున్న ఐసీసీ 2021 టీ20 ప్రపంచకప్‌కు శ్రీలంక జట్టు కన్సల్టెంట్‌ (సలహాదారు)గా నియమించింది. ఈ మేరకు శ్రీలంక క్రికెట్‌ బోర్డు చీఫ్‌ వెల్లడించారు. ఐపీఎల్‌లో ముంబయి ఇండియన్స్‌ చీఫ్‌ కోచ్‌గా కొనసాగుతున్న ఈ శ్రీలంక దిగ్గజం.. టీ20 ప్రపంచకప్‌లో శ్రీలంక జట్టుకు ఏడు రోజుల సలహాదారుగా ఉండనున్నారు. అనంతరం శ్రీలంక అండర్‌-19 జట్టుకు వరల్డ్‌కప్‌ సలహాదారుగా వ్యవహరించనున్నాడు. జయవర్దనె రాకతో శ్రీలంక డ్రెస్సింగ్‌రూమ్‌ వాతావరణంలో మార్పు రానుందని అభిమానులు ఆశిస్తున్నారు.
మీ స్నేహితులకు రికమెండ్ చెయ్యండి
