- రాయల్స్‌తో క్యాపిటల్స్‌ పోరు
నవతెలంగాణ-అబుదాబి
పాయింట్ల పట్టికలో చివరి రెండు స్థానాల్లో కొనసాగుతున్న సన్‌రైజర్స్‌ హైదరాబాద్, పంజాబ్‌ కింగ్స్‌ నేడు ముఖాముఖి మ్యాచ్‌లో పోటీపడను న్నాయి. ఏడు పరాజయాలు చవిచూ సిన సన్‌రైజర్స్‌ హైదరాబాద్ మరో ఓటమితో టెక్నికల్‌గానూ ప్లే ఆఫ్స్‌ అవకాశాలు ఆవరి చేసుకోనుండగా.. పంజాబ్‌ కింగ్స్‌కు మరో ఓటమి ప్లే ఆఫ్స్‌ దారులను మూసి వేయనుంది. సన్‌రైజర్స్‌ హైదరాబాద్ దారుణ ఫామ్‌లో ఉండగా.. అందుకు భిన్నంగా పంజాబ్‌ కింగ్స్‌ మంచి ప్రదర్శనే చేస్తోంది. ఉత్కంఠ మ్యాచుల్లో సులువైన మ్యాచులను చేజేతులా కోల్పోతుంది. ఈ అలవాటును హైదరాబాద్‌పై మార్చుకోవాలని పంజాబ్‌ భావిస్తుండగా.. ఓ విజయంతో కాస్త ఉత్సాహం సాధించాలని సన్‌ శిబిరం భావిస్తోంది. పొట్టి బౌండరీల షార్జా స్టేడియంలో రాత్రి 7.30 గంటలకు పంజాబ్‌, హైదరాబాద్ మ్యాచ్‌ ఆరంభం కానుంది.
పాయింట్ల పట్టికలో అగ్రస్థానంపై కన్నేసిన ఢిల్లీ క్యాపిటల్స్‌ నేడు రాజస్థాన్‌ రాయల్స్‌పై ఫేవరేట్‌గా బరిలోకి దిగుతోంది. పంజాబ్‌పై కార్తీక్‌ త్యాగి కండ్లుచెదిరే ఆఖరు ఓవర్‌ ప్రదర్శనతో నాల్గో విజయం సాధించిన సంజుసేన.. మరో విజయంతో ప్లే ఆఫ్స్‌కు చేరువయ్యేందుకు చూస్తోంది. క్యాపిటల్స్‌, రాయల్స్‌ బ్యాటింగ్‌, బౌలింగ్‌ విభాగాలు మంచి ఫామ్‌లో ఉన్నాయి. దీంతో ఈ రెండు జట్ల మధ్య హోరాహోరీగా సాగనుంది. గత మ్యాచ్‌లో ఫామ్‌లోకి వచ్చిన రిషబ్‌ పంత్‌.. నేడు రాయల్స్‌పై ధనాధన్‌ షోకు సిద్ధమయ్యే అవకాశం ఉంది. ఢిల్లీ క్యాపిటల్స్‌, రాజస్థాన్‌ రాయల్స్‌ మ్యాచ్‌ అబుదాబిలో మధ్యాహ్నాం 3.30 గంటలకు ఆరంభం కానుంది
