- స్పిన్నర్‌కు ముంబయిలో శస్త్రచికిత్స
ముంబయి : పేలవ ఫామ్‌తో టీమ్‌ ఇండియాకు దూరమైన లెఫ్టార్మ్‌ మణికట్టు స్పిన్నర్‌ కుల్దీప్‌ యాదవ్‌ తాజాగా సుదీర్ఘ కాలం క్రికెట్‌ సీజన్‌కు దూరం కానున్నాడు. ఇండియన్‌ ప్రీమియర్‌ లీగ్‌ (ఐపీఎల్‌)లో కోల్‌కత నైట్‌రైడర్స్‌కు ప్రాతినిథ్యం వహిస్తున్న కుల్దీప్‌ యాదవ్‌ ఇటీవల ప్రాక్టీస్‌ సెషన్లో గాయపడ్డాడు. ప్రాక్టీస్‌లో కుల్దీప్‌ యాదవ్‌ మోకాలి గాయానికి గురయ్యాడు. గాయం తీవ్రత దృష్ట్యా బీసీసీఐ అతడిని తక్షణమే స్వదేశానికి రప్పించింది. యుఏఈలో ఐపీఎల్‌ బయో బబుల్‌ వీడిన కుల్దీప్‌ యాదవ్‌ స్వదేశానికి చేరుకున్నాడు. ముంబయిలోని ఓ ఆసుపత్రిలో కుల్దీప్‌ యాదవ్‌ మోకాలికి శస్త్ర చికిత్స చేసినట్టు బీసీసీఐ వర్గాలు వెల్లడించాయి. దీంతో కుల్దీప్‌ యాదవ్‌ కనీసం ఓ ఆరు నెలలు క్రికెట్‌కు దూరం కానున్నాడు.
మీ స్నేహితులకు రికమెండ్ చెయ్యండి
