న్యూఢిల్లీ: యువ గ్రాండ్‌మాస్టర్‌ ఆర్‌.ప్రజ్ఞానంద 40వేల డాలర్ల జులిస్‌ బెర్‌ ఛాలెంజర్స్‌ చెస్‌ టైటిల్‌ విజేతగా నిలిచాడు. ఆదివారం రాత్రి జరిగిన 9వ రౌండ్‌ పోటీలో ప్రజ్ఞానంద 3-0 పాయింట్ల తేడాతో అమెరికాకు చెందిన క్రిస్టోఫర్‌ను ఓడించాడు. ర్యాపిడ్‌ ఫైర్‌ బెస్ట్‌ ఆఫ్‌ ఫోర్‌ పోటీలో ప్రజ్ఞానంద వరుసగా మూడు మ్యాచుల్లో విజయం సాధించాడు. దీంతో మొత్తం 9 మ్యాచుల్లో 8.5 పాయింట్లతో ప్రజ్ఞానంద అగ్రస్థానంలో నిలిచి విజేతగా నిలిచాడు. టైటిల్‌ విజేత ప్రజ్ఞానందకు 12.5వేల అమెరికా డాలర్ల ప్రైజ్‌ మనీతోపాటు 2022లో మిలియన్‌ డాలర్ల మెల్ట్‌వాటర్‌ ఛాంపియన్‌షిప్‌లో క్రిమి లేయర్‌తో తలపడేందుకు అర్హత సాధించాడు.
మీ స్నేహితులకు రికమెండ్ చెయ్యండి
