- ఇండోనేషియాకు థామస్‌ కప్‌ టైటిల్‌
- ఉబర్‌కప్‌ విజేత చైనా
ఆహస్‌(డెన్మార్క్‌): థామస్‌, ఉబర్‌ కప్‌ ఫైనల్స్‌ టైటిళ్లను ఇండోనేసియా, చైనా జట్లు కైవసం చేసుకున్నాయి. ఆదివారం రాత్రి జరిగిన థామస్‌ కప్‌ ఫైనల్లో ఇండోనేషియా జట్టు 3-0తేడాతో డిఫెండింగ్‌ ఛాంపియన్‌ చైనాను ఓడించి 19ఏళ్ల తర్వాత టైటిల్‌ను కైవసం చేసుకొంది. ఇక ఉబర్‌ కప్‌ ఫైనల్లో చైనా జట్టు 3-1తో జపాన్‌కు షాక్‌ ఇచ్చింది. థామస్‌ కప్‌ పురుషుల సింగిల్స్‌లో ఆంటోన్సీ గింటింగ్‌(ఇండోనేషియా) 18-21, 21-14, 21-16తో లూ జంగ్‌ జూను చిత్తుచేయగా.. డబుల్స్‌లో ఆల్ఫాన్‌-ఆర్డియాంటో 21-12, 21-19తో హీ-జి-టింగ్‌, జో హో డోంగ్‌ను ఓడించడంతో ఇండోనేషియా 2-0 ఆధిక్యతను సంపాదించింది. రెండో సింగిల్స్‌లో జొనాథన్‌ క్రిస్టీ 21-14, 18-21, 21-14తో లి-షీ-ఫెంగ్‌ను చిత్తు చేయడంతో ఇండోనేషియా తిరుగులేని 3-0 ఆధిక్యతతో డిఫెండింగ్‌్‌ ఛాంప్‌కు ఝలక్‌ ఇచ్చింది. ఇక ఉబర్‌ కప్‌ మహిళల సింగిల్స్‌లో డిఫెండింగ్‌ ఛాంప్‌ చైనా 3-1 తేడాతో జపాన్‌ను ఓడించి మరోసారి ఉబర్‌కప్‌ను కైవసం చేసుకుంది.
