షార్జా : ఐసీసీ టీ20 ప్రపంచకప్‌ సూపర్‌-12 గ్రూప్‌-2 మ్యాచ్‌లో పసికూన స్కాట్లాండ్‌పై అఫ్గనిస్థాన్‌ పంజా విసిరింది. ప్రపంచ శ్రేణి స్పిన్నర్లు రషీద్‌ ఖాన్‌ (4/9), ముజీబ్‌ రెహమాన్‌ (5/20) మాయకు స్కాట్లాండ్‌ 60 పరుగులకే కుప్పకూలింది. 192 పరుగుల భారీ ఛేదనలో స్కాట్లాండ్‌ బ్యాటర్లు చేతులెత్తేశారు. 10.2 ఓవర్లలోనే స్కాట్లాండ్‌ను అఫ్గాన్‌ స్పిన్నర్లు చుట్టేశారు. నజీబుల్లా (59, 34 బంతుల్లో 5 ఫోర్లు, 3 సిక్స్‌లు), గుర్బాజ్‌ (46, 37 బంతుల్లో 1 ఫోర్‌, 4 సిక్స్‌లు), జాజారు (44, 30 బంతుల్లో 3 ఫోర్లు, 3 సిక్స్‌లు) చెలరేగటంతో తొలుత అఫ్గనిస్థాన్‌ 191/4 పరుగుల భారీ స్కోరు చేసింది.
మీ స్నేహితులకు రికమెండ్ చెయ్యండి
