- పోరాడి ఓడిన అఫ్గనిస్థాన్‌
దుబాయ్‌: ఐసీసీ టీ20 ప్రపంచకప్‌ సూపర్‌12 గ్రూప్‌-2లో పాకిస్థాన్‌ హ్యాట్రిక్‌ విజయం నమోదు చేసింది. 148 పరుగుల ఛేదనలో కెప్టెన్‌ బాబర్‌ ఆజామ్‌ (51, 47 బంతుల్లో 4 ఫోర్లు) బాధ్యతాయుత అర్థ సెంచరీతో కదం తొక్కాడు. స్పిన్నర్ల మెరుపులతో వేగంగా వికెట్లు కూల్చి మిడిల్‌ ఆర్డర్‌పై ఒత్తిడి పెంచింది అఫ్గాన్‌. రిజ్వాన్‌ (8), హఫీజ్‌ (10), మాలిక్‌ (19) వికెట్లతో అఫ్గాన్‌ రేసులోకి వచ్చింది. చివర్లో అసిఫ్‌ అలీ (25, 7 బంతుల్లో 4 సిక్స్‌లు) ఒకే ఓవర్లో నాలుగు సిక్సర్లు బాది లాంఛనం ముగించాడు. ఫకర్‌ జమాన్‌ (30) రాణించాడు. మహ్మద్‌ నబి (35 నాటౌట్‌, 32 బంతుల్లో 5 ఫోర్లు), గుల్బాదిన్‌ నయిబ్‌ (35 నాటౌట్‌, 25 బంతుల్లో 4 ఫోర్లు, 1 సిక్స్‌) ఏడో వికెట్‌కు 71 పరుగుల భారీ భాగస్వామ్యం నెలకొల్పటంతో తొలుత అఫ్గనిస్థాన్‌ 147/6 పరుగులు చేసింది.