2020 జాతీయ క్రీడా పురస్కారాలను క్రీడాశాఖ మంత్రి అనురాగ్‌ ఠాకూర్‌ అందజేశారు. కోవిడ్‌-19 కారణంగా నిరుడు అవార్డు విజేతలకు నగదు బహుమతి అందజేసినా పురస్కార ట్రోఫీలు, ప్రశంసా పత్రాలను ఇవ్వలేదు. సోమవారం న్యూఢిల్లీలోని అశోక హోటల్‌లో ఏర్పాటు చేసిన కార్యక్రమంలో విజేతలు ట్రోఫీలు, ప్రశంసా పత్రాలు అందుకున్నారు. రోహిత్‌ శర్మ, మరియప్పన్‌ తంగవేలు, మనిక బత్ర, వినేశ్‌ ఫోగట్‌, రాణి రాంపాల్‌లు 2020 రాజీవ్‌గాంధీ ఖేల్‌రత్న అవార్డులు అందుకున్నారు. భారత మహిళల హాకీ కెప్టెన్‌ రాణి రాంపాల్‌, రెజ్లర్‌ వినేశ్‌ ఫోగట్‌, పారా స్టార్‌ మరియప్పన్‌ తంగవేలు, బాక్సర్‌ లవ్లినా బొర్గహైన్‌ సహా ఇషాంత్‌ శర్మ, అటాను దాసు, సాత్విక్‌సాయిరాజ్‌ రాంకీరెడ్డి, చిరాగ్‌ చంద్రశేఖర్‌ శెట్టిలు అవార్డులు అందుకున్నారు.
మీ స్నేహితులకు రికమెండ్ చెయ్యండి
