- ప్రపంచ బాక్సింగ్‌ చాంపియన్‌షిప్స్‌
బెల్‌గ్రేడ్‌ : ప్రపంచ బాక్సింగ్‌ చాంపియన్‌షిప్స్‌లో రికార్డు రెండో పతకం ఆశించిన శివ థాప ఆ దిశగా అడుగు దూరంలో ఆగిపోయాడు. పురుషుల 63.5 కేజీల క్వార్టర్‌ఫైనల్లో శివ థాప నిరాశ పరిచాడు. టర్కీ బాక్సర్‌తో బౌట్‌లో 0-5తో పరాజయం పాలయ్యాడు. మూడు రౌండ్లలో ఐదుగురు న్యాయమూర్తులు 27-30, 27-30, 27-30, 27-30, 27-30తో టర్కీ బాక్సర్‌కు విజేతగా తేల్చారు. శివ థాప మెడల్‌ వేటకు క్వార్టర్స్‌లోనే తెరపడింది. 71 కేజీల విభాగంలో నిశాంత్‌ దేవ్‌ 1-4తో ఓటమి చెందగా, 92 కేజీల విభాగంలో సంగీత్‌ 0-5తో పరాజయం పాలయ్యాడు. 51 కేజీల విభాగం సెమీఫైనల్లో ఆకాశ్‌ కుమార్‌ నేడు రింగ్‌లోకి దిగనున్నాడు.
మీ స్నేహితులకు రికమెండ్ చెయ్యండి
