- నమీబియా 52 పరుగుల తేడాతో ఘన విజయం
షార్జా: టి20 ప్రపంచకప్‌ గ్రూప్‌-2లో న్యూజిలాండ్‌ జట్టు రెండో విజయాన్ని సొంతం చేసుకుంది. శుక్రవారం నమీబియాతో జరిగిన మ్యాచ్‌లో న్యూజిలాండ్‌ 52 పరుగుల తేడాతో విజయం సాధించింది. టాస్‌ ఓడి బ్యాటింగ్‌కు దిగిన న్యూజిలాండ్‌ జట్టు నిర్ణీత 20 ఓవర్లలో 4 వికెట్లు కోల్పోయి 163 పరుగులు చేసింది. స్కాట్జ్‌, విల్స్‌, ఎరాస్మన్‌కు తలా ఒక వికెట్‌ దక్కాయి. అనంతరం నమీబియా జట్టు నిర్ణీత 20 ఓవర్లలో 7 వికెట్లు కోల్పోయి 111 పరుగులు మాత్రమే చేయగల్గింది. టాస్‌ ఓడి బ్యాటింగ్‌కు దిగిన న్యూజిల్యాండ్‌కు మార్టిన్‌ గప్తిల్‌(18), డారియల్‌ మిచెల్‌(19) మంచి ఆరంభమే అందించారు. ఓపెనర్లు అవుటైన మరో వికెట్‌ పడకుండా కేన్‌ విలియమ్సన్‌(28), డెవాన్‌ కాన్వే(17) జట్టును ఆదుకున్నారు. న్యూజిలాండ్‌ జట్టు 16 ఓవర్లలో 4 వికెట్ల నష్టానికి 96 పరుగులు మాత్రమే చేసింది. చివరి 4 ఓవర్లలో 67 పరుగులు చేసి భారీస్కోర్‌ను నమోదు చేయడం విశేషం. చివర్లో గ్లెన్‌ ఫిలిప్స్‌ (39నాటౌట్‌; 21 బంతుల్లో ఫోర్‌, 3సిక్సర్లు), జేమ్స్‌ నీషమ్‌ (35నాటౌట్‌; 23 బంతుల్లో ఫోర్‌, 2సిక్సర్లు) ఆకాశమే హద్దుగా చెలరేగారు. దీంతో 20 ఓవర్లు ముగిసేసరికి 4 వికెట్లు కోల్పోయిన న్యూజిల్యాండ్‌ జట్టు 163 పరుగులు చేసింది. మ్యాన్‌ ఆఫ్‌ ది మ్యాచ్‌ నీషమ్‌కు లభించింది. ఈ విజయంతో న్యూజిలాండ్‌ సెమీస్‌ ఆశలు పటిష్టం కాగా.. భారత్‌ సెమీస్‌కు చేరాలంటే ఆఫ్ఘనిస్తాన్‌తో నవంబరు 7న జరిగే మ్యాచ్‌లో న్యూజిల్యాండ్‌ చిత్తుగా ఓడాలి.