- మూడేసి టెస్ట్‌, వన్డేలతోపాటు 4 మ్యాచ్‌ల టి20 సిరీస్‌
కేప్‌టౌన్‌: డిసెంబర్లో కోహ్లి సేన దక్షిణాఫ్రికా పర్యటనకు బయల్దేరి వెళ్లనుంది. ఈ పర్యటనలో భాగంగా భారతజట్టు సఫారీ జట్టుతో 3టెస్ట్‌లు, మరో మూడు వన్డేలతోపాటు నాలుగు టి20 ఆడనుంది. డిసెంబర్‌ 17న జోహాన్స్‌బర్గ్‌లో జరిగే తొలిటెస్ట్‌లో ఈ సిరీస్‌ ప్రారంభం కానుంది. ప్రేక్షకుల అనుమతిపై ఆ దేశ క్రికెట్‌ బోర్డు ఇప్పటివరకు ఎలాంటి ప్రకటన చేయలేదు. ప్రస్తుతానికి 2వేలమంది అభిమానులను అనుమతించేందుకు ప్రభుత్వం ఆమోదం తెలిపింది. అప్పటి పరిస్థితులను బట్టి ప్రేక్షకుల అనుమతిపై ప్రభుత్వం తుది నిర్ణయం తెలపనుంది. ఈ ఏడాది ఆస్ట్రేలియా జట్టు దక్షిణాఫ్రికా పర్యటనకు వెళ్లాల్సి ఉన్నా.. కోవిడ్‌-19 కారణంగా రద్దు చేసుకుంది. దీంతో సుదీర్ఘ కాలం తర్వాత మళ్లీ దక్షిణాఫ్రికాలో అంతర్జాతీయ క్రికెట్‌ సీజన్‌ మొదలుకానుంది.
టెస్ట్‌ సిరీస్‌..
తొలిటెస్ట్‌ : డిసెంబర్‌ 17-21(జోహాన్స్‌బర్గ్‌)
రెండోటెస్ట్‌ : డిసెంబర్‌ 26-30(సెంచూరియన్‌)
మూడోటెస్ట్‌ : జనవరి 3-7(కేప్‌టౌన్‌)
వన్డే సిరీస్‌..
జనవరి 11: తొలి వన్డే(పార్ల్‌)
జనవరి 14: రెండో వన్డే(కేప్‌టౌన్‌)
జనవరి 16: మూడో వన్డే(కేప్‌టౌన్‌)
టి20 సిరీస్‌..
జనవరి 19: రెండో టి20(కేప్‌టౌన్‌)
జనవరి 21: రెండో టి20(కేప్‌టౌన్‌)
జనవరి 23: మూడో టి20(పార్ల్‌)
జనవరి 26: నాల్గో టి20(పార్ల్‌)