- ప్రపంచ బాక్సింగ్‌ చాంపియన్‌షిప్స్‌
బెల్‌గ్రేడ్‌ : భారత బాక్సింగ్‌ యువ సంచలనం ఆకాశ్‌ కుమార్‌ చరిత్ర సృష్టించాడు. ప్రపంచ బాక్సింగ్‌ చాంపియన్‌షిప్స్‌లో పతకం సాధించిన బాక్సర్‌గా రికార్డు నెలకొల్పాడు. 21 ఏండ్ల ఆకాశ్‌ కుమార్‌ 54 కేజీల విభాగంలో కాంస్య పతకం సాధించాడు. బుధవారం జరిగిన సెమీఫైనల్లో రెండు సార్లు ఆసియా జూనియర్‌ చాంపియన్‌, కజకిస్థాన్‌ బాక్సర్‌ ముఖ్మద్‌ సబ్రఖాన్‌తో అకాశ్‌ కుమార్‌ పోరాడి ఓడాడు. మూడు రౌండ్లలో గట్టి పోటీనిచ్చిన ఆకాశ్‌ కుమార్‌ 0-5తో ఓటమి చెందాడు. ప్రతిష్టాత్మక ఈవెంట్‌లో కాంస్యం సాధించిన ఆకాశ్‌ కుమార్‌.. వరల్డ్‌ చాంపియన్‌షిప్‌లో మెడల్‌ కొట్టిన ఏడో భారత బాక్సర్‌గా నిలిచాడు. కాంస్య పతకంతో పాటు ఆకాశ్‌ కుమార్‌ రూ.18.54 లక్షల నగదు బహుమతి సొంతం చేసుకున్నాడు.