- గాయంతో టీ20 వరల్డ్‌కప్‌కు దూరొంగాయంతో టీ20 వరల్డ్‌కప్‌కు దూరం
దుబాయ్ : టీ20 ప్రపంచకప్‌ సెమీఫైనల్స్‌ ముంగిట టైటిల్‌ ఫేవరేట్‌ ఇంగ్లాండ్‌కు గట్టి ఎదురుదెబ్బ తగిలింది. విధ్వంసక ఓపెనర్‌, భీకర ఫామ్‌లో ఉన్న జేసన్‌ రారు సేవలను ఇంగ్లాండ్‌ కోల్పోయింది. సూపర్‌12 దశలో ఆ జట్టు చివరి మ్యాచ్‌ సందర్భంగా జేసన్‌ రారు కాలు గాయానికి గురయ్యాడు. బ్యాటింగ్‌ చేస్తుండగా మధ్యలోనే మైదానం వీడాడు. ఎంతో నొప్పితో విలవిల్లాడిన జేసన్‌ రారు టీ20 ప్రపంచకప్‌కు అందుబాటులో ఉండటం లేదు. ఈ మేరకు ఇంగ్లాండ్‌ అండ్‌ వేల్స్‌ క్రికెట్‌ బోర్డు (ఈసీబీ) తెలిపింది. జేసన్‌ రారు స్థానంలో జేమ్స్‌ విన్సెను జట్టులోకి ఎంపిక చేశారు. గ్రూప్‌-1లో అగ్రస్థానంలో నిలిచిన ఇంగ్లాండ్‌, గ్రూప్‌-2లో ద్వితీయ స్థానంలో నిలిచిన న్యూజిలాండ్‌తో గురువారం అబుదాబిలో తొలి సెమీఫైనల్లో తలపడనుంది.