- నేడు ఆస్ట్రేలియాతో రెండో సెమీస్‌లో ఢీ
దుబాయ్: టి20 ప్రపంచకప్‌ రెండో సెమీఫైనల్‌ పాకిస్తాన్‌-ఆస్ట్రేలియా జట్ల మధ్య గురువారం జరగనుంది. గ్రూప్‌-2లో అప్రతిహత విజయాలతో అగ్రస్థానంలో ఉన్న పాక్‌ జట్టు గ్రూప్‌-2తో రెండో స్థానంలో ఉన్న ఆసీస్‌ జట్టుతో తలపడనుంది. మెగా టోర్నమెంట్‌లో అద్భుత ఫామ్‌లో ఉన్న జట్లలో పాకిస్తాన్‌ ఒకటి. పేస్‌ బౌలర్లకు తోడు ఓపెనర్లు రిజ్వాన్‌, బాబర్‌ అజామ్‌ అద్భుత ఫామ్‌లో ఉండడం పాక్‌కు కలిసి రానుంది. స్కాట్లాండ్‌తో జరిగిన ఆఖరి లీగ్‌ మ్యాచ్‌లో పాక్‌ సీనియర్‌ బ్యాట్స్‌మన్‌ షోయబ్‌ మాలిక్‌ ఫామ్‌లోకి రావడం విశేషం. లీగ్‌లో పాక్‌ జట్టు ఆడిన ఐదు మ్యాచుల్లోనూ ఘన విజయం నమోదు చేసుకొంది. ఇక ఆస్ట్రేలియా జట్టు గ్రూప్‌ దశలో ఇంగ్లండ్‌ చేతిలో ఓడినా.. మిగతా నాలుగుజట్లపై విజయాలను నమోదు చేసుకొని 8 పాయింట్లతో రెండో స్థానంలో నిలిచింది.
మీ స్నేహితులకు రికమెండ్ చెయ్యండి
