- టి20 ర్యాంకింగ్స్‌ విడుదల
దుబాయ్: అంతర్జాతీయ క్రికెట్‌మండలి(ఐసిసి) విడుదల చేసిన ర్యాంకింగ్స్‌లో కేఎల్‌ రాహుల్‌ 5వ స్థానానికి ఎగబాకాడు. టి20 ప్రపంచకప్‌ లో కేఎల్‌ రాహుల్‌ మూడు అర్ధసెంచరీలతో కదం తొక్కడం తో ర్యాంకింగ్స్‌లో అతడు ముందుకు దూసుకొచ్చాడు. రోహిత్‌ కూడా రెండు స్థానాలు మెరుగు పరచుకొని 15వ స్థానంలో నిలిచాడు. సౌతాఫ్రికా విజయాల్లో కీలకమైన పాత్ర పోషించిన ఎయిడెన్‌ మార్క్రమ్‌, వాన్‌ డర్‌ డస్సెన్‌ జోడీ తమ స్థానాలను మెరుగు పరచు కుంది. తాజా ర్యాంకింగ్స్‌లో మార్క్రమ్‌ మూడు స్థానాలు మెరుగై 3వ స్థానం చేరగా, వాన్‌ డర్‌ డస్సెన్‌ ఆరు స్థానాలు మెరుగై 10వ స్థానంలో నిలిచాడు. ఐసిసి విడుదల చేసిన ర్యాంకింగ్స్‌లో దక్షిణాఫ్రికా బ్యాటర్స్‌ టాప్‌-10 ఎక్కు వమంది చోటు సంపాదించుకు న్నారు. బౌలర్ల జాబితాలో ఆస్ట్రేలియా బౌలర్లు ఇద్దరు ఆడమ్‌ టాప్‌-10లో చోటు దక్కించుకు న్నారు. ఆడమ్‌ జంపా, హేజిల్‌వుడ్‌ రాణించడం తో ఆ జట్టు సెమీఫైనల్‌కు అర్హత సాధించగల్గింది,. జంపా జింబాబ్వేపై 5వికెట్లు తీసి ఐసిసి బౌలర్ల జాబితాలో 5వ ర్యాంక్‌కు ఎగబాకాడు.. ఇక హేజిల్‌వుడ్‌ 11వ ర్యాంక్‌ నుంచి 8వ ర్యాంక్‌కు ఎగబాకాడు. అలాగే న్యూజిలాండ్‌ బౌలర్లు టిమ్‌ సౌథీ 9వ ర్యాంక్‌లో నిలిచాడు.