హైదరాబాద్ : భారత యువ బాక్సర్‌, తెలంగాణ స్టార్‌ నిఖత్‌ జరీన్‌ను ఎంఎల్‌ఆర్‌ఐటి చైర్మన్‌ మర్రి లక్ష్మణ్‌రెడ్డి, కార్యదర్శి రాజశేఖర్‌ రెడ్డిలు శుక్రవారం జరిగిన ఓ కార్యక్రమంలో ఘనంగా సత్కరించారు. ఇటీవల ముగిసిన జాతీయ బాక్సింగ్‌ చాంపియన్‌షిప్‌ 52 కేజీల విభాగంలో నిఖత్‌ జరీన్‌ పసిడి పతకం సాధించటంతో పాటు ఉత్తమ బాక్సర్‌ అవార్డును సైతం సొంతం చేసుకుంది. 'నిఖత్‌ జరీన్‌ రాష్ట్రానికే గర్వకారణమైన బాక్సర్‌. కెరీర్‌లో మరిన్ని విజయాలు సాధించేందుకు జరీన్‌కు అవసరమైన సహాయం అందించేందుకు ఎంఎల్‌ఆర్‌ఐటి తరఫున సిద్ధంగా ఉన్నాం. నిఖత్‌కు ఎంబీఏ ఉచిత సీటుతో పాటు ఆర్థిక సహాయం చేస్తామని' మర్రి రాజశేఖర్‌ రెడ్డి చెప్పారు. ఎంఎల్‌ఆర్‌ఐటి క్యాంపస్‌లో క్రీడా సదుపాయాల పట్ల బాక్సర్‌ నిఖత్‌ జరీన్‌ హర్షం వ్యక్తం చేసింది.
మీ స్నేహితులకు రికమెండ్ చెయ్యండి
