- అమెరికాలో 2024 టీ20 ప్రపంచకప్‌
- 2024-31 ఐసీసీ టోర్నీల వేదికలు
దుబాయ్ : ఐసీసీ 2024-31 ఈవెంట్స్‌ క్యాలెండర్‌లో భారత్‌కు సరసమైన వాటా దక్కింది. ఈ సమయంలో ఎనిమిది మెగా టోర్నీలు (నాలుగు టీ20 ప్రపంచకప్‌లు, రెండు చాంపియన్స్‌ ట్రోఫీలు, రెండు వన్డే వరల్డ్‌కప్‌లు) నిర్వహిస్తున్న ఐసీసీ.. అందులో మూడు టోర్నీలను భారత్‌కు కేటాయించింది. 2016 టీ20 ప్రపంచకప్‌ను శ్రీలంకతో కలిసి ఆతిథ్యం ఇవ్వనున్న భారత్‌... 2031 వన్డే ప్రపంచకప్‌కు బంగ్లాదేశ్‌తో కలిసి ఆతిథ్యం ఇవ్వనుంది. 2029 చాంపియన్స్‌ ట్రోఫీ పూర్తి భారత్‌లో నిర్వహించనున్నారు. అమెరికాలో క్రికెట్‌కు ఆదరణ తీసుకొచ్చేందుకు ఐసీసీ కీలక అడుగు వేసింది. 2024 టీ20 ప్రపంచకప్‌ ఆతిథ్య హక్కులను యుఎస్‌ఏకు కేటాయించింది. వెస్టిండీస్‌తో కలిసి అమెరికా మెగా ఈవెంట్‌కు వేదికగా నిలువనుంది. 2025 చాంపియన్స్‌ ట్రోఫీ హక్కులను పాకిస్థాన్‌ సొంతం చేసుకుంది. 1996 వన్డే వరల్డ్‌కప్‌ తర్వాత పాక్‌కు దక్కిన తొలి ఐసీసీ టోర్నీ ఆతిథ్యం ఇదే. 2027 వన్డే వరల్డ్‌కప్‌ను దక్షిణాఫ్రికా, జింబాబ్వే, నమీబియాలు సంయుక్తంగా నిర్వహించను న్నాయి. 2028 టీ20 వరల్డ్‌కప్‌కు ఆస్ట్రేలియా, న్యూజిలాండ్‌ వేదికగా నిలువనున్నాయి. 2030 టీ20 ప్రపంచకప్‌కు ఐర్లాండ్‌, స్కాట్లాండ్‌తో కలిసి ఇంగ్లాండ్‌ ఆతిథ్యం ఇవ్వనుంది. ఈ మేరకు ఐసీసీ మంగళవారం ప్రకటించింది.