- ఏటీపీ ఫైనల్లో మెద్వదేవ్‌పై విజయం
ట్యురిన్‌ (ఇటలీ) : జర్మనీ టెన్నిస్‌ స్టార్‌ అలెగ్జాండర్‌ జ్వెరెవ్‌ ఖాతాలో మరో ప్రతిష్టాత్మక టైటిల్‌. ఈ ఏడాది టోక్యో ఒలింపిక్స్‌లో బంగారు పతకం సాధించిన జ్వెరెవ్‌ తాజాగా ఏటీపీ ఫైనల్స్‌ చాంపియన్‌గా అవతరించాడు. సెమీఫైనల్లో వరల్డ్‌ నం.1 జకోవిచ్‌ను మట్టికరిపించిన జ్వెరెవ్‌.. ఆదివారం నాటి టైటిల్‌ పోరులో రెండో సీడ్‌ డానిల్‌ మెద్వదేవ్‌ (రష్యా)పై అలవోక విజయం సాధించాడు. 6-4, 6-4తో వరుస సెట్లలోనే మెద్వదేవ్‌ను మట్టికరిపించాడు. 8 ఏస్‌లు, 2 బ్రేక్‌ పాయింట్లు సాధించిన జ్వెరెవ్‌ పాయింట్ల పరంగా 61-51తో తిరుగులేని ఆధిపత్యం సాధించాడు. జకోవిచ్‌ను ఓడించి 2018లో తొలిసారి ఏటీపీ ఫైనల్స్‌ ట్రోఫీ అందుకున్న జ్వెరెవ్‌.. మెద్వదేవ్‌పై విజయంతో 2021 ఏటీపీ ఫైనల్స్‌ విజేతగా నిలిచాడు.