- గూంచా నెహ్రూ సీనియర్‌ హాకీ టోర్నీ
హైదరాబాద్‌ : ఇండియన్‌ ఆయిల్‌ సిక్సర్‌ కొట్టింది. రికార్డు స్థాయిలో ఆరోసారి ఇందర్‌మోహన్‌ కపూర్‌ నెహ్రూ సీనియర్‌ హాకీ గోల్డ్‌కప్‌ను సొంతం చేసుకుంది. సికింద్రాబాద్‌లోని రైల్వే స్పోర్ట్స్‌ కాంప్లెక్స్‌లో మంగళవారం జరిగిన 57వ నెహ్రూ హాకీ టోర్నీ ఫైనల్లో ఇండియన్‌ రైల్వేస్‌పై ఇండియన్‌ ఆయిల్‌ పెనాల్టీ షూటౌట్‌లో గెలుపొందింది. పూర్తి ఆట ముగిసే సరికి ఇరు జట్లు 2-2తో సమవుజ్జీలుగా నిలిచాయి. 51, 52వ నిమిషాల్లో వరుస గోల్స్‌ కొట్టి రేసులోకి వచ్చిన ఇండియన్‌ ఆయిల్‌ పెనాల్టీ షూటౌట్‌లో 4-2తో విజయం సాధించింది. ఆరంభంలోనే గోల్స్‌తో ఆధిపత్యం సాధించిన ఇండియన్‌ రైల్వేస్‌ చివరి పది నిమిషాల్లో మ్యాచ్‌పై పట్టు కోల్పోయింది. నెహ్రూ హాకీ టోర్నీలో ఆరుసార్లు ఫైనల్స్‌కు చేరిన ఇండియన్‌ ఆయిల ఆరు సార్లు విజేతగా నిలువటం విశేషం.