- గాయంతో కెఎల్‌ రాహుల్‌ అవుట్‌
కాన్పూర్‌ : న్యూజిలాండ్‌తో తొలి టెస్టుకు ముందు భారత్‌ కీలక ఆటగాడి సేవలు కోల్పోయింది. ఓపెనర్‌ కెఎల్‌ రాహుల్‌ తొడ కండరం గాయంతో టెస్టు సిరీస్‌కు దూరమయ్యాడు. రాహుల్‌ స్థానంలో మిడిల్‌ ఆర్డర్‌ బ్యాటర్‌ సూర్యకుమార్‌ యాదవ్‌ జట్టులోకి ఎంపికయ్యాడు. రాహుల్‌ దూరం కావటంతో జట్టులో మయాంక్‌ అగర్వాల్‌, శుభ్‌మన్‌ గిల్‌ రూపంలో ఇద్దరు ఓపెనర్లే ఉన్నారు. రోహిత్‌ శర్మ టెస్టు సిరీస్‌ నుంచి విశ్రాంతి తీసుకున్న సంగతి తెలిసిందే. విరాట్‌ కోహ్లి సైతం తొలి టెస్టుకు అందుబాటులో లేడు. దీంతో రహానె, పుజారాలపైనే బ్యాటింగ్‌ బాధ్యత పడనుంది. గురువారం ఆరంభం కానున్న తొలి టెస్టు కోసం భారత క్రికెటర్లు ప్రాక్టీస్‌లో చెమటోడ్చారు. చీఫ్‌ కోచ్‌ రాహుల్‌ ద్రవిడ్‌ పర్యవేక్షణలో ఆటగాళ్లందరూ కాన్పూర్‌ స్టేడియంలో సాధన చేశారు.
మీ స్నేహితులకు రికమెండ్ చెయ్యండి
