హైదరాబాద్ : ఈనెల 27, 28 తేదీలో బోయినపల్లిలోని స్కైకింగ్స్‌ పుట్‌బాల్‌ అకాడమీలో పంజాబ్‌ రౌండ్‌గ్లాస్‌ సాకర్‌ అకాడమీ సెలెక్షన ట్రయల్స్‌ నిర్వహించనుంది. ఐ-లీగ్‌ ఫుట్‌బాల్‌ టోర్నమెంట్‌లోని ప్రముఖ జట్లలో రౌండ్‌గ్లాస్‌ ఒకటి. మారుమూల ప్రాంతాల నుంచి ప్రతిభావంతులను వెలికి తీసేందుకు స్కైకింగ్స్‌తో కలిసి ఈ టాలెంట్‌ హంట్‌ను నిర్వహిస్తున్నట్టు రౌండ్‌గ్లాస్‌ తెలిపింది. బాలబాలికలకు వేరుగా, ఉచితంగా ట్రయల్స్‌ను నిర్వహిస్తున్నారు. ఈనెల 27న ఉదయం 9 గంటలకు అండర్‌-13 (1-1-2009 తర్వాత పుట్టినవారికి మాత్రమే), మధ్యాహ్నం 1 గంటకు అండర్‌-15 (1-1-2004), 28వ తేదీన ఉదయం 9.30 గంటలకు అండర్‌-18 (1-1-2004) విభాగాల్లో ట్రయల్స్‌ చేపట్టనున్నారు. ట్రయల్స్‌లో పాల్గొనే వారు డేట్‌ ఆఫ్‌ బర్త్‌ సర్టిఫికేట్‌, తాజా లేదా పాతదైన టీడబ్ల్యూ3 బోన టెస్టు ధ్రువపత్రం తీసుకొని రావాలి.
మీ స్నేహితులకు రికమెండ్ చెయ్యండి
