గాలే: వెస్టిండీస్‌తో జరుగుతున్న రెండో టెస్ట్‌లో శ్రీలంక జట్టు పుంజుకుంది. తొలి ఇన్నింగ్స్‌లో స్వల్పస్కోర్‌కే పరిమితమైన లంక జట్టు బౌలింగ్‌లో సమిష్టిగా రాణించింది. రమేశ్‌ మెండీస్‌(6/70), ఎంబుంల్డేనియా(2/94), జయవిక్రమే(2/59) దెబ్బకు విండీస్‌ జట్టు 253 పరుగులకే కుప్పకూలింది. దీంతో విండీస్‌ జట్టుకు 49 పరుగుల తొలి ఇన్నింగ్స్‌ ఆధిక్యత లభించింది. అనంతరం రెండో ఇన్నింగ్స్‌ ప్రారంభించిన లంక జట్టు మూడోరోజు ఆట నిలిచే సమయానికి 2 వికెట్ల నష్టానికి 46 పరుగులు చేసింది. కరుణరత్నే(6), ఫెర్నాండో(14) ఔట్‌ కాగా.. నిస్సంక(21), అసలంక(4) క్రీజ్‌లో ఉన్నారు.
మీ స్నేహితులకు రికమెండ్ చెయ్యండి
