- సెమీస్‌లో భారత్‌ ఓటమి
భువనేశ్వర్‌ : డిఫెండింగ్‌ చాంపియన్‌ భారత్‌కు షాక్‌. ఆరు సార్లు చాంపియన్‌ జర్మనీ చేతిలో యువ భారత్‌ పోరాడి ఓడింది. శుక్రవారం జరిగిన సెమీఫైనల్లో భారత్‌ మెరుగైన ప్రదర్శన చేసినా 2-4తో ఓటమి తప్పలేదు. ప్రథమార్థం ముగిసేసరికి జర్మనీ 4-1తో తిరుగులేని ఆధిక్యంలో నిలిచింది. ఉత్తమ్‌ సింగ్‌ భారత్‌కు రెండో క్వార్టర్‌లో తొలి గోల్‌ అందించగా.. చివరి క్షణాల్లో భారత్‌ రెండో గోల్‌ కొట్టింది. జర్మనీ రికార్డు స్థాయిలో ఎనిమిదోసారి జూనియర్‌ మెన్స్‌ హాకీ ప్రపంచకప్‌ ఫైనల్లోకి ప్రవేశించింది. మరో సెమీస్‌ ఫ్రాన్స్‌పై అర్జెంటీనా గెలుపొందింది. ఆదివారం టైటిల్‌ పోరులో జర్మనీ, అర్జెంటీనా తలపడనున్నాయి. మూడో స్థానం కోసం ఫ్రాన్స్‌తో భారత్‌ పోటీపడనుంది.
మీ స్నేహితులకు రికమెండ్ చెయ్యండి
