హైదరాబాద్ : రాష్ట్ర జూనియర్‌ బ్యాడ్మింటన్‌ చాంపియనషిప్‌ రెండో రోజు పోటీల్లో బాలురలో వేదాంత, బాలికల్లో శివాంజలి సత్తా చాటారు. నాచారంలోని ఢిల్లీ పబ్లిక్‌ స్కూల్‌లో జరుగుతున్న రాష్ట్ర జూనియర్‌ బ్యాడ్మింటన్‌ చాంపియనషిప్‌ రెండో రోజు పోటీల ప్రారంభోత్సవానికి శాట్స్‌ చైర్మన వెంకటేశ్వర్‌ రెడ్డి శుక్రవారం ముఖ్య అతిథిగా హాజరయ్యారు. ఈ సందర్భంగా ఆయన క్రీడాకారులను అభినందించి శుభాకాంక్షలు తెలిపారు. బాలుర అండర్‌-15 మూడో రౌండ్‌ పోటీల్లో వేదాంత సిద్ధేశ్వర్‌ (గుత్తా జ్వాల అకాడమీ) 15-8, 15-11 అనిరుథ్‌ రెడ్డిను చిత్తు చేయగా పి.సాయి శ్రేయాస్‌ (హర్ష అకాడమీ) 15-6, 15-1తో వేణు చరణ్‌పై నెగ్గి ముందంజ వేశారు. వీరితో పాటు ధ్రువ్‌, శశాంక్‌, ఎస్‌.ఎస్పీ రెడ్డి, మహేంద్ర వర్మ, అభిషేక్‌ ముందంజ వేశారు. బాలికల అండర్‌-15 రెండో రౌండ్లో శివాంజలి (జ్వాల అకాడమీ) 15-3, 15-4తో పూజ రెడ్డిపై విజయం సాధించగా రియా పాటిల్‌ (జ్వాల అకాడమీ) 15-3, 15-4తో అభినేత్రిపై నెగ్గింది. వీరితో పాటు శ్రావ్య, జశ్విత, వైష్ణవి, హాసిని, రిషిత ముందంజ వేశారు. ప్రారంభోత్సవంలో డీపీఎస్‌ డైరెక్టెర్‌ యశస్వీ, రాష్ట్ర బ్యాడ్మింటన సంఘం కోశాధికారి ఫణిరావు, జాతీయ బ్యాడ్మింటన మాజీ చీఫ్‌ కోచ భాస్కర్‌ బాబు తదితరులు పాల్గొన్నారు.
