- కాంస్య పతక పోరులో పరాజయం
భువనేశ్వర్‌ (ఒడిశా) : డిఫెండింగ్‌ చాంపియన్‌, ఆతిథ్య భారత్‌ మరో భంగపాటు. సెమీఫైనల్లో ఆరుసార్లు విజేత జర్మనీ చేతిలో పరాజయం చవిచూసిన టీమ్‌ ఇండియా ఆదివారం జరిగిన కాంస్య పతక పోరులోనూ నిరాశపరిచింది. భారత్‌పై 3-1 విజయంతో ఫ్రాన్స్‌ అలవోకగా మూడో స్థానం కైవసం చేసుకుంది. హాకీ ఇండియా సీనియర్‌ కోచ్‌, టోక్యో ఒలింపిక్స్‌ పతక విజేత వివేక్‌ ప్రసాద్‌ సారథ్యంలో హాకీ జూనియర్‌ ప్రపంచకప్‌లో టైటిల్‌ ఫేవరేట్‌గా బరిలోకి దిగిన భారత్‌ నాల్గో స్థానంతో సరిపెట్టుకుంది. ఫ్రాన్స్‌ మూడు గోల్స్‌తో విజృంభించగా భారత్‌ ఒకే ఒక్క గోల్‌ చేయగలిగింది. 47వ నిమిషంలో సుదీప్‌ రివర్స్‌ ఫ్లిక్‌తో ఆతిథ్య జట్టుకు ఏకైక గోల్‌ అందించాడు.
మీ స్నేహితులకు రికమెండ్ చెయ్యండి
